"سنسیزلیک سندرومو"

 

آه ... ای وطن شاعیرلری
"سنسیز" دولو شعرلریز
اوزونوزو یورمادیمی؟
اوسانیب بئزمدینیزمی؟
آه ...  ای خالق شاعیرلری!
سیزی سنسیزلیک اولدوردو
بیزی وطنسیزلیک ... 14/1/95

گونش کیمی

هر گون گونش دوغمامیشدان
گونش کیمی دوغولمالی
هرگون هرگون
گونش کیمی دوغولمالی
دنیز کیمی اوینامالی
بولود کیمی آغلامالی
هر گون گونش دوغار دوغماز
چایلار کیمی یئریمه لی
بوزلار کیمی اریمه لی
داغلار کیمی باغمالی سان!
هر گون گونش چیخمامیشدان
گونش کیمی چیخمالی سان!
بیرده
بوتون عومرو بویو
بیرجه دفعه دوغولاندان قورخمالی سان ... 9/1/95