من اولندن سورا،
مندن هئچ نه قالمایاجاق آتام بالاسی!
نه شئعر، نه موسیقی، نه ده حتی بیر قبیر داشی،
هئچ کس دن هئچ نه قالمایاجاق اولندن سورا،
اولوم بویوک بیر سونونج دور حیاتا،
و
اولومسوزلوک بویوک و گولونچ بیر ناغیل دیر منجه...۲۶/۱۰/۹۲ اصفهان
حیاتیم بویو
هئچ نه تاپمادیم شئعر یازماغا ده یسینُ
بیر آنام دان
بیرده وطن دن باشقا.
شئعیر ده بیر پالتار دیر،
بو پالتار اولماسا،
چیپلاق قالاردیلار،
آبیری لاری گئدردی شاعیرلرین
2/10/92 اصفهان
یئنه گوزلریمدن سوز اوغورلاییر
بو شاعیر عومرومون پائیز گونلری
پیالا پیالا گوز اوغورلاییربو شاعیر عومرومون پائیز َگونلری
قوشما پالتاریندا غزله دونور
ازیلیر، توکولور، خزله دونوربو شاعیر عومرومون پائیز گونلری
یولداشی قیش الی، قیش نفسی دیر
آیریلیق نغمه سی، اولوم سه سی دیربو شاعیر عومرومون پائیز گونلری
تیتره ییر، اوشویور اوره ک لر کیمی
وعده سیز سارالیر دیلک لر کیمیبو شاعیر عومرومون پائیز گونلری
آدیمی یازمیشام یارپاغلارینا
آغی دیر فله گین قولاغلارینابو شاعیر عومرومون پائیز گونلری
صاباحیم بوداقسیز یارپاغا بنزر
یازیلیب آتیلمیش واراغا بنزربو شاعیر عومرومون پائیز گونلری
اوزوده بیلمه ییر هارا تله سیر
بلکه ده بیر سویوق گورا تله سیربو شاعیر عومرومون پائیز گونلری
نه قدر دونیادا هله پاییز وار
آدینی هر ساری یارپاغا یازاربو شاعیر عومرومون پائیز گونلری
شاعیر دی، آشیق دی، یازار دی سانکی
بیر "یورغون" عطیرلی مزاردی سانکیبو شاعیر عومرومون پائیز گونلری
29/7/92 -صوفیانمندن سنه پیس دئییب لر!
ویرنیخدیغیم، آغری دیغیم،
سنسیزلیک یوخ!بلکه سنه صرف ائتدیگیم گونلریمین سانجی سی دیر!
12/9/92 صوفیانداغلارین دا! بولاقلارین دا!
اما هئچ بیری نین یالان دانیشان دیلی یوخدور!
یالان اینسانا مخصوص اولان یگانه لیک دیر.
شاعیر اولماغا ته له سمه!
دردین وارسا یئتر،
دردین وارسا شئعرین وار، کیتابین وار، دیوانین وار!دردین وارسا اوره یینده،
لاپ "فضولی" سن.دردین بویوکلوکده بیر فضولی...
17/9/92...اصفهانمئیخانه ده، مسجد ده بیر عنوانی دیر عشقین
بیر لیلی دی کیم بیر بئله مجنونلاری واردیر!
سازیمدا وطن عطری، تورپاق نفسی وار!
سوزومده سئوگی اودو، یاشام هوه سی وار!
جانیمدا ایسه بیر سن وارسان،بیرده اولوم سه سی وار!
25/9/92....اصفهانهسته عشقیم غنی دیر ذووق وصلیندن سنین
قوی منی هر بیر قودوز بیگانه تحریم ائیله سین
بیلمیرم من نیه قیش دان قورخورام
عومرومون بیرینجی قیشی دئییل کی
بو دا اوچ آی سورا قورتولاجاقدیر
قیش دی، گوزلریمین یاشی دئییل کی
منی قیناماسین هر گلن باهار
نه اولسون اریمیر ساچیمدا کی قار
مندن آلچاقدادیر زیروه لی داغلار
باشیم او داغلارین باشی دئییل کی
شاعیر دئ بو قدر گوز یاشی نه دیر؟
ازل گوندن بری سئل کیمی گئدیر
بلکه موشکول سنین گوزلرینده دیر
طالعینی یازان ناشی دئییل کی؟
كئچن عومروم گوزلريمده واراقلانير ناغيل كيمي