اوزو دونموش بو دونیا دا
گوزوم نه لر گوردو منیم
آخ نه سوسموش دوداقلارا
قولاغیم سس وئردی منیم
نه لر گلدی نه لر کئچدی
قلبیریمدن، اله گیمدن
کروانلار قفله لر کئچدی
یومروق بویدا اوره ییمدن
بو یول هارا گئده سی دیر؟
هانسی داغدان کئچه سی دیر؟
گونلوم گونش پنجه سی دیر
باشماغیم دمیردی منیم
سئوگی بئله کونول بئله
اوجاغلار اولدو کول بئله
نه اولسون سنده اول بئله
اوره ییم قبیردی منیم
دئمیشدیم اوزونه اویرتمه منی
گئدرسن، جانیمدا ساغالماز یئرین
دئمیشدیم گئدرسن، حسرتین، غمین
اوتورار جانیمدا، سوکر بیر بیرین
سنی حیاتیمدان آپاران قاطار
سنین حسرتینی آپارا بیلمز
دئمیشدیم گون گلر، تانری اوزوده
سنی حیاتیما قایتارا بیلمز
دئمیشدیم اینانما بو صاباحلارا
گئجه سی هیجران دیر، گئجه سی حسرت
یاغیشلار گورموشم بولوددان قوپوب
آما هئچ آغاجا اولماییب قیسمت
دئمیشدیم اوزونه اویرتمه منی
گئدرسن، ائویمی حسرتین ییخار
یاریم جان قالارام بو یوللار اوسته
نه یارام ساغالار، نه جانیم چیخار
دئمیشدیم خوشبختلیک بیر قوش کیمی دیر
اوچار، اوزاقلاشار، گوزوندن ایتر
منی آغلاتماغا چالیمشا گونول
آیریلیق گورموشم اولومدن بتر
دئمیشدیم، بو یولو ایکیمیز گئدک
گئتدین، تک باشیما یاشاتدیم سنی
آخ نه لر یاشادیم، بیر آللاه بیلیر
دئمیشدیم اوزونه اویرتمه منی
كئچن عومروم گوزلريمده واراقلانير ناغيل كيمي